पोलीस मुख्यालय गोंदिया, (कारंजा) येथे समर कॅम्प-२०२५ चे समारोपीय कार्यक्रम संपन्न

 पोलीस मुख्यालय गोंदिया, (कारंजा) येथे समर कॅम्प-२०२५ चे समारोपीय कार्यक्रम संपन्न

🖊️ मनोज भालेकर प्रतिनिधी 

गोंदिया :०५ जून २०२५ रोजी "प्रेरणा सभागृह", पोलीस मुख्यालय गोंदिया येथे प्रमुख अतिथी मा. श्रीमती रोशनी भामरे, मॅडम यांच्या शुभहस्ते दिप प्रज्वलित करुन समर कॅम्प २०२५ चे समारोप समारंभ कार्यक्रमाची सुरवात करण्यात आली. त्यानंतर पोलीस निरीक्षक तथा अति. कार्य. पोलीस उप-अधीक्षक (मुख्या.) श्रीमती नंदिनी चानपुरकर यांच्या हस्ते प्रमुख अतिथी यांना भेटवस्तु व पुष्पगुच्छ देवुन त्यांचे स्वागत करण्यात आले. गोंदिया जिल्हा पोलीस विभागातर्फे पोलीस अधिकारी/अंमलदार/मंत्रालयीन स्टाफ यांच्या पाल्यांकरिता दिनांक ०७/०५/२०२५ ते ०५/०६/२०२५ पर्यंत समर कॅम्प मध्ये फुटबॉल, चेस, व्हॉलीबॉल, स्पोकन इंग्लिश व डॉन्स प्रशिक्षणाचे आयोजन करण्यात आलेले होते.

       ०१ महिना चालणाऱ्या प्रशिक्षणात सहभागी झालेल्या सर्व मुले - मुलींना कार्यक्रमाचे प्रमुख अतिथी मा. श्रीमती रोशनी भामरे, मॅडम यांच्या शुभहस्ते स्मृती चिन्हे व प्रमाणपत्र देण्यात आले. त्यानंतर उपस्थितांना संबोधित करुन गोंदिया जिल्हा पोलीस विभागामार्फत पोलीस पाल्यांचे खेळातील कौशल्य व नैपुण्य वृध्दींगत करण्यासाठी तसेच त्यांच्या व्यक्तिमत्व विकासासाठी खेळ गुणांना वाव मिळावा व त्यांच्यामध्ये एकतेची भावना निर्माण व्हावी या संकल्पनेतुन पोलीस पाल्यांना त्यांच्या पुढील वाटचाली करिता भविष्याच्या हार्दिक शुभेच्छा दिल्या.

      गोंदिया जिल्हा पोलीस विभागातील फुटबॉल कोच अकिल कुरैशी, व्हॉलीबॉल कोच दुर्योधन हनवते, चेस (बुध्दीबळ) कोच श्री डिगेश्वर चौरे व प्रभाकर पालांदुरकर, स्पोकन इंग्लिश प्रशिक्षक श्री किशोर कटरे व साई ग्रुप गोंदिया येथील डॉन्स प्रशिक्षक निखलेश शेंद्रे व सुरु सेंद्रे यांच्याकडुन पोलीस पाल्यांना अतलुनीय असे उत्कृष्ठपणे प्रशिक्षण देण्यात आले. सदर कार्यक्रमात पोलीस निरीक्षक श्रीमती नंदिनी चानपुरकर, राखीव पोलीस निरीक्षक श्री रमेश चाकाटे, त्याचप्रमाणे गोंदिया जिल्हयातील पोलीस अंमलदार तसेच त्यांचे कुटुंबीय व पाल्य हे मोठया संख्येने उपस्थित होते.

         सदर कार्यक्रमाचे सुत्र संचालन मपोहवा मंगला प्रधान व आभार प्रदर्शन पो.नि. नंदिनी चानपुरकर, यांनी केले. सदर कार्यक्रम यशस्वीपणे पार पाडण्याकरिता पोनि नंदिनी चानपुरकर,रापोनि रमेश चाकाटे, गेम इंजार्च दिपक दत्ता, श्रेणी पोउप- निरीक्षक रोशन उईके, सफौ मुस्तफा सरवर, पोहवा पंकज पांडे, चंद्रकांत बरकुंड, मपोहवा तारीका भोयर, पोहवा राजु डोंगरे व राज वैद्य तसेच पोलीस मुख्यालय गोंदिया येथील डी. आय. स्टाफ यांनी अथक परिश्रम मेहनत घेतली .

गजेंद्र चंदनसिंग बसिने कृषी क्षेत्रात इंडियन एक्सेलंन्स अवॉर्ड ने सन्मानित

 पुण्यश्लोक अहिल्यादेवी होळकर जयंती निमित्त मलकापूर येथे इंडियन एक्सलन्स अवॉर्ड   संपन्न

महाराष्ट्राचे कानाकोपऱ्यातील आलेल्या विविध क्षेत्रातील कर्तृत्ववान व्यक्तिमत्त्वांचा सत्कार करण्यात आला.

🖊️ तामेश्वर पंधरे मुख्यसंपादक 

गोंदिया: दैनिक अहिल्याराज व हिंदी मराठी पत्रकार संघ पुण्यश्लोक अहिल्यादेवी जयंती व दैनिक अहिल्या राज वर्धापन दिवस निमित्ताने विविध क्षेत्रातील  कर्तृत्ववान व्यक्तींचा गौरव करण्याच्या उद्देशाने व त्यांच्या कलागुणांना प्रोत्साहन देण्यासाठी इंडियन एक्सएलन्स अवार्ड 2025 चे आयोजन करण्यात आले होते. सदर कार्यक्रमांमध्ये सहभागी होण्यासाठी प्रस्ताव ऑनलाइन मागवण्यात आले होते
त्यावेळी  700 प्रस्तावांपैकी निवड करून 260  मान्यवरांना इंडियन एक्सलन्स पुरस्कार 2025 प्रदान करण्यात आला. 
इंडियन एक्सलन्स अवार्ड कार्यक्रमाच्या अध्यक्षस्थानी संजूभाऊ काजळे सभापती कृषी उत्पन्न बाजार समिती मलकापूर हे होते कार्यक्रमाचे उद्घाटक धनश्रीताई काटीकर पाटील महाराष्ट्र प्रदेश अध्यक्ष हिंदी मराठी पत्रकार संघ हे होते. कार्यक्रमात प्रमुख अतिथी  म्हणून निलेश तायडे सहा माहिती आयुक्त मंत्रालय मुंबई, संदीप काळे ठाणेदार मलकापूर ग्रामीण, भाई अशांत वानखेडे संस्थापक समतेचे निळे वादळ,    प्रसादभाऊ जाधव राष्ट्रवादी जिल्हा उपाध्यक्ष, बाळासाहेब दामोदर उद्योजक,  प्रा. डॉ. अनिल खर्चे सर प्राचार्य इंजिनिअरिंग व्ही. भी. कोलते इंजीनियरिंग कॉलेज, फारुख शेख ज्येष्ठ पत्रकार लोकमत,  पत्रकार होते.
कार्यक्रमाची सुरुवात पुण्यश्लोक आहिल्यादेवी होळकर, आद्य पत्रकार बाळशास्त्री जांभेकर व प्रथम महिला संपादक तानुबाई बिरजे यांच्या प्रतिमा पूजनाने करण्यात आली. 
कार्यक्रमात पत्रकारिता, शिक्षण, सामाजिक ,राजकीय ,कला, वैद्यकीय, वकील, कृषी , उद्योजक अशा अनेक क्षेत्रातील कर्तुत्वान व्यक्तींचा सत्कार इंडियन एक्सएलन्स अवार्ड 2025 देऊन करण्यात आला. गोंदिया जिल्ह्यातील गजेंद्र चंदनसिंग बसिने यांनी महाराष्ट्रात कृषि क्षेत्रात उत्कृष्ट कामगिरी सामाजिक क्षेत्रातील कार्यक्रमात सहभागी होउन ,शेती विषयी माहिती देणे उदा.बियाणे कोणते वापरावे,खते केव्हा वापरायचे,औषधी कोणती वापरायचे यांची माहिती देणे ,राजकीय विषयावर चर्चा करणे,कृषी क्षेत्रातील समस्याच्या विचारांची देवाणघेवाण करून, 
पीकावर असणारे रोग,पिकाविषयी असणारी समस्यावर चर्चा करुण तोडगा काढणे व रोगावर कोणते किटकनाशके फवारा करायचा ते सांगणे.अशा अनेक समस्या वर चर्चा करून उपाय योजना करून शेतकऱ्यांना जैविक शेती कडे वळवून शेतकऱ्यांची शेती नापीक होण्यापासून बचाव केले याबद्दल कृषि क्षेत्रात इंडियन एक्सेलंन्स अवॉर्ड ने सन्मानित करण्यात आले.
यावेळी देशासाठी आपल्या प्राणाची परवा न करता देशसेवा करणाऱ्या माजी सैनिकांचा स्मृतिचिन्ह देऊन सत्कार करण्यात आला.
   

पोलीस अधीक्षक कार्यालय, गोंदिया येथे नियत वयोमानाने सेवानिवृत्त पोलीस अधिकारी/अंमलदार यांचे निरोप सत्कार समारंभ कार्यक्रम संपन्न

 पोलीस अधीक्षक कार्यालय, गोंदिया येथे नियत वयोमानाने सेवानिवृत्त पोलीस अधिकारी/अंमलदार यांचे निरोप सत्कार समारंभ कार्यक्रम संपन्न.

🖊️ मनोज भालेकर प्रतिनिधी 

         गोंदिया:31 मे 2025 रोजी पोलीस अधीक्षक कार्यालय, गोंदिया येथील कॉन्फरन्स हॉल मध्ये माहे-मे/2025 मध्ये गोंदिया जिल्हयाचे आस्थापनेवरील नियत वयोमानाने सेवानिवृत्त झालेले 

 1) श्रेणी पोलीस उप-निरीक्षक श्री. गोपाल धाडु कापगते,

 2) श्रेणी पोलीस उप-निरीक्षक श्री. विनायक कोलुजी पुडो,                                   तसेच 

 3) पोलीस अंमलदार श्री. आंनदराव चेपाजी करमरकर

       

यांचे निरोप सत्कार समारंभ कार्यक्रम आयोजित करण्यात आले होते....सदर निरोप  सत्कार समारंभ कार्यक्रम प्रसंगी पोलीस अधीक्षक गोंदिया मा.श्री. गोरख भामरे, यांचे शुभ हस्ते सेवानिवृत्त झालेल्या पोलीस अधिकारी- अंमलदार यांना शाल, श्रीफळ, झाडाची रोपटे, सेवानिवृत्त प्रमाणपत्र, ओळखपत्र, शुभेच्छापत्र, स्मृतीचिन्ह, भेटवस्तु देवुन त्यांचे सत्कार करण्यात आले.... असुन त्यांच्या आयुष्याच्या पुढील वाटचालीस शुभेछ्या देण्यात आले आहे.

सदर कार्यक्रमात पोलीस अधीक्षक गोंदिया मा. श्री. गोरख भामरे, तसेच प्रभारी पोलीस उप-अधिक्षक (गृह) श्रीमती नंदिनी चानपुरकर, तसेच पोलीस अधिकारी/अंमलदार उपस्थित होते.
सदर कार्यक्रमाचे सुत्र संचालन प्रभारी पोलीस उप-अधिक्षक (गृह) श्रीमती नंदिनी चानपुरकर, यांनी केले.  सदर कार्यक्रम यशस्वीपणे पार पाडण्याकरीता कल्याण शाखा येथील, श्री. नंदिनी चानपुरकर, पोहवा राजु डोंगरे, राज वैद्य, यांनी कार्यवाही पार पाडली.

इंडियन एक्सलन्स" साठी तामेश्वर पंधरे गजेंद्र बसिने व सचिन बन्सोड यांची निवड

 इंडियन एक्सलन्स" साठी तामेश्वर पंधरे,गजेंद्र बसिने व सचिन बन्सोड यांची निवड

> तामेश्वर पंधरे 

गोंदिया: पुण्यश्लोक अहिल्यादेवी होळकर जयंतीनिमित्त आयोजित इंडियन एक्सलन्स अवॉर्ड २०२५ साठी गोंदिया जिल्ह्यातील आमगाव तालुक्यातील  तामेश्वर पंधरे, गजेंद्र बसिने व सचिन बन्सोड (गोंदिया)यांची निवड झाली आहे. सदैव तत्पर असणारे युवा पत्रकार तामेश्वर पंधरे  गोर गरीबांच्या व शेतकरी मजुर वर्गातील व्यक्तिना मदत करणारे व युवा आवाज लाईव्ह न्युज चॅनल /पोर्टल चे मुख्यसंपादक  व सामाजिक क्षेत्रातील उल्लेखनीय कार्यासाठी त्यांना हा अवॉर्ड प्रदान करण्यात येणार आहे.  सचिन बन्सोड पत्रकार गोंदिया द इंडिया न्युज, महाराष्ट्र लाईव्ह न्युज पत्रकारिता क्षेत्रात उत्कृष्ट कामगीरी, गजेंद्र बसिने जैविक शेती, जहर मुक्त शेती अभियान राबवून लोकांचे आरोग्य सुदृढ करून शेतकऱ्याची शेती नापीक होण्यापासून बचाव केले. त्याकरिता १ जून २०२५ रोजी मलकापूर (बुलडाणा) येथे होणाऱ्या कार्यक्रमात तामेश्वर पंधरे, गजेंद्र बसिने व सचिन बन्सोड यांना हा पुरस्कार प्रदान करण्यात येणार

पुण्यश्लोक अहिल्याबाई होळकर की 300वी जयंतीनिमित्त काटी ग्रामीण मंडल, गोंदिया द्वारा शंखनाद और महाआरती का कार्यक्रम संपन्न

 पुण्यश्लोक अहिल्याबाई होळकर की 300वी जयंतीनिमित्त काटी ग्रामीण मंडल, गोंदिया द्वारा नागरा शिव मंदिर में दिनांक 26/05/2025 को शंखनाद और महाआरती का कार्यक्रम संपन्न

गोंदिया: महान शिवभक्त माता अहिल्याबाई होळकर के इस देश में मंदिरों के लिए किए गए कार्यों से प्रेरित होकर आने वाले कुछ दिनों में मंदिरों में स्वछता अभियान भी चलाया जाएगा।आज सैकड़ों की तादाद में कार्यकर्ता और भक्तों ने महाआरती में भाग लिया। सभी का आभार। कार्यक्रम में प्रमुख रूप से उपस्थिति रही  श्रीमती सविता ताई विनोद अग्रवाल, पंचायत समिति सभापति श्री मुनेश जी राहंगडाले, एपीएमसी सभापति श्री भाऊराव जी ऊके, श्री छत्रपाल जी तुरकर, श्री गजेंद्र जी फूनडे, श्री सुनील जी केलनका, जिला परिषद सदस्य आनन्द ताई वाडीवा, पंचायत समिति सदस्य जितेश्वरी ताई राहंगडाले, श्री जमाइवार जी,श्री छगन भाऊ माने जी, काटी मंडल अध्यक्ष संदीप जी तुरकर, मंडल अध्यक्ष मुकेश जी लीलहारे, मंडल अध्यक्ष ऋषि साहू जी, श्रीमति कौशल छत्रपाल तुरकर भाभीजी,श्री सुरेश जी लीलहारे,श्री विक्की जी बघेले, श्री महेश जी राहंगडाले, और समस्त कार्यकर्ता गण उपस्थित थे।

आमदार विनोद अग्रवाल यांच्या पुढाकाराने २३ कोटी रुपयांच्या खर्चातून उभारला जाणार ५० खाटांचे अत्याधुनिक क्रिटिकल केअर हॉस्पिटल*

PM-ABHIM योजनेअंतर्गत सुरु झालेला महत्त्वाकांक्षी आरोग्य प्रकल्प, गोंदिया जिल्ह्याच्या नागरिकांसाठी ठरणार संजीवनी

गोंदिया:- जिल्ह्यात आज ५० खाटांच्या क्रिटिकल केअर हॉस्पिटल ब्लॉकच्या भूमिपूजन समारंभाने एका नव्या युगाची सुरुवात झाली. हा रुग्णालय ब्लॉक भारत सरकारच्या महत्त्वाकांक्षी प्रधानमंत्री आत्मनिर्भर स्वस्थ भारत योजना (PM-ABHIM) अंतर्गत उभारला जात आहे. या प्रकल्पासाठी २३ कोटी ७५ लाख रुपयांची प्रशासकीय मान्यता प्राप्त निधी मंजूर करण्यात आली आहे. या समारंभात गोंदियाचे लोकप्रिय आमदार श्री विनोद अग्रवाल यांच्या मार्गदर्शनाखाली जनप्रतिनिधी, आरोग्य विभागाचे अधिकारी आणि अनेक मान्यवर उपस्थित होते.

हा क्रिटिकल केअर हॉस्पिटल ब्लॉक केवळ गोंदिया जिल्ह्यासाठीच नव्हे, तर परिसरातील ग्रामीण भागासाठीही एक वरदान ठरेल. आरोग्यसेवांमध्ये हा एक ऐतिहासिक टप्पा असून आपत्कालीन आणि गंभीर उपचार सेवांना नवे आयाम मिळणार आहेत.

योजनेचे मुख्य उद्दिष्ट:

1. आरोग्य व्यवस्था बळकट करणे – जिल्हा स्तरावर हॉस्पिटलची क्षमता वाढवून रुग्णांना वेळेवर उपचार मिळणार.

2. साथीच्या रोग व आपत्ती व्यवस्थापन क्षमता मजबूत करणे– कोविडसारख्या संकटांना तोंड देण्यासाठी आवश्यक पायाभूत सुविधा उपलब्ध करणे.

3. गंभीर वैद्यकीय सेवा सुलभ करणे– गंभीर रुग्णांना नागपूर किंवा इतर मोठ्या शहरांमध्ये पाठवण्याची गरज नाही.

4. ग्रामीण भागात आरोग्य सुविधा सक्षम करणे – प्राथमिक व उपकेंद्रांना आधुनिक उपकरणांशी जोडणे.

*आमदार विनोद अग्रवाल यांच्या पुढाकारामुळे मिळाली गती*

गोंदियाचे आमदार श्री विनोद अग्रवाल यांच्या दूरदृष्टी, सातत्यपूर्ण प्रयत्न आणि प्रशासकीय समन्वयामुळे हा महत्त्वपूर्ण प्रकल्प प्रत्यक्षात येत आहे. त्यांनी सांगितले:

> “माझी प्राथमिकता नेहमी गोंदियाच्या जनतेच्या आरोग्य व कल्याणाशी संबंधित राहिली आहे. हे हॉस्पिटल केवळ उपचाराचे केंद्र न राहता, विश्वास व दिलासा याचे प्रतीक ठरेल.”

भूमिपूजन समारंभ पारंपरिक पूजा विधीनुसार संपन्न झाला. कार्यक्रमात वैद्यकीय महाविद्यालयाचे डॉक्टर, अधिकारी, पंचायत समिती सभापती मुनेश रहांगडाले, सरपंच बालकृष्ण बिसेन, दीपा चंद्रिकापुरे (कृषी व पशुसंवर्धन सभापती, जि.प.), राहुल मेश्राम (पंचायत समिती सदस्य, कुडवा), कमल फरदे (उपसरपंच) व सामाजिक कार्यकर्ते मोठ्या संख्येने उपस्थित होते. आमदार अग्रवाल यांनी आपल्या भाषणात या हॉस्पिटलला गोंदियाचा *"आरोग्य सुरक्षा किल्ला"* असे संबोधले.

PM-ABHIM योजना: देशभरात आरोग्य सेवा नव्याने घडविण्याची दिशा

हा प्रकल्प राष्ट्रीय आरोग्य अभियानाला (NHM) बळकट करत भारताला भविष्यातील आरोग्य आपत्तींना तोंड देण्यासाठी सक्षम बनवतो. देशभरात क्रिटिकल केअर इन्फ्रास्ट्रक्चर तयार करण्यात ही योजना एक महत्त्वाचा टप्पा ठरत आहे.

*निष्कर्ष: आरोग्य सेवा क्षेत्रात ऐतिहासिक पाऊल*

गोंदिया जिल्ह्यातील नागरिकांना आता उपचारांसाठी मैलोनमैल जाण्याची गरज उरणार नाही. हे ५० खाटांचे क्रिटिकल केअर हॉस्पिटल आरोग्य क्षेत्रातील एक नवी क्रांती ठरेल.

22 मे रोजी आमगाव स्थानकाचे उद्घाटन होणार, पंतप्रधान व्हिडिओ कॉन्फरन्सिंगद्वारे करतील उद्घाटन

 22 मे रोजी आमगाव स्थानकाचे उद्घाटन होणार, पंतप्रधान व्हिडिओ कॉन्फरन्सिंगद्वारे करतील उद्घाटन

गोंदिया, दि.21 : रेल्वे स्थानकांच्या पुनर्विकासासाठी भारत सरकारकडून चालवल्या जाणाऱ्या अमृत भारत स्थानक योजनेअंतर्गत, देशभरातील 103 स्थानकांचे उद्घाटन 22 मे रोजी माननीय पंतप्रधान श्री नरेंद्र मोदी यांच्या हस्ते व्हिडिओ कॉन्फरन्सिंगद्वारे केले जाईल. या प्रसंगी, दक्षिण पूर्व मध्य रेल्वे, नागपूर विभागाअंतर्गत येणाऱ्या 5 स्थानकांचे उद्घाटन - सिवनी, डोंगरगड, इतवारी, चांदा फोर्ट आणि आमगाव यांचाही प्रस्ताव आहे.

आमगाव हे महाराष्ट्रातील गोंदिया जिल्ह्यातील एक शहर आहे. जे विदर्भ प्रदेशात आहे. हे स्टेशन गोंदिया जिल्हा मुख्यालयापासून 24 किलोमीटर पूर्वेस आहे आणि स्थानिक आणि प्रादेशिक कनेक्टिव्हिटीसाठी एक महत्त्वाचे ठिकाण आहे.

अमृत भारत स्टेशन योजनेअंतर्गत आमगाव रेल्वे स्टेशनचा पुनर्विकास

अमृत भारत स्टेशन योजनेअंतर्गत 7.17 कोटींच्या मंजूर बजेटसह आमगाव रेल्वे स्थानकाचे आधुनिकीकरण आणि नवीन रूप देण्यात आले आहे. या महत्त्वाकांक्षी प्रकल्पाचे उद्दिष्ट हे स्थानक प्रवासी-अनुकूल केंद्र म्हणून विकसित करणे आहे, ज्यामुळे स्थानिक नागरिक आणि प्रवाशांसाठी सुविधा वाढतील. प्रवाशांच्या सोयीसाठी, स्थानकाच्या परिसरात विशेष तिकीट काउंटर, सुसज्ज आधुनिक प्रतीक्षालय, अपंगांसाठी समर्पित सुविधा उपलब्ध करून देण्यात आल्या आहेत आणि स्थानिक कला आणि संस्कृती लक्षात घेऊन स्थानकाची रचना आणि देखावा सुधारण्यात आला आहे. पार्किंगच्या गोंधळासारख्या समस्यांनी त्रस्त असलेले हे स्टेशन आता चांगले प्रवेश-निर्गमन दरवाजे, रुंद रस्ते, दुचाकी पार्किंग आणि वाहतूक नियंत्रण प्रणालीने सुसज्ज आहे. स्टेशन परिसराला हिरवळ आणि सुशोभीकरणाने आकर्षक स्वरूप देण्यात आले आहे आणि स्टेशनला स्थानिक संस्कृती आणि समृद्ध वारशाचे आकर्षक केंद्र बनवण्यात आले आहे, जिथे प्रवाशांची संख्या वाढण्याबरोबरच रोजगार वाढण्याची मोठी शक्यता आहे ज्याचा फायदा स्थानिक लोकांना होईल.

प्रवाशांच्या मागण्या आणि आकांक्षा लक्षात घेऊन, भारतीय रेल्वे प्रवाशांना चांगल्या सुविधा देण्यासाठी सतत प्रयत्नशील आहे. आग्नेय मध्य रेल्वे प्रवाशांच्या सोयीसाठी आणि विकासासाठी वचनबद्ध आहे, ज्याचे एक महत्त्वाचे प्रतीक म्हणजे स्थानकांचे पुनर्विकासाचे काम.

                                                                            

विदर्भातील पहिला "बलून बंधारा" निर्माण होणार गोंदियातील बाघ नदीवर, १०९ कोटी रुपये मंजूर

 

आमदार विनोद अग्रवाल यांच्या प्रयत्नांमुळे रजेगाव-काटी उपसा सिंचन योजनेला मिळणार नवे जीवन, १० हजार एकर जमीन होणार सिंचनाखाली

गोंदिया: महाराष्ट्राच्या शेवटच्या टोकावर असलेल्या गोंदिया जिल्ह्यातील नदीचे पाणी अडविण्यासाठी आणि हे पाणी सिंचनासाठी वापरण्यासाठी, आमदार विनोद अग्रवाल यांच्या प्रयत्नातून रजेगाव येथे बाघ नदीवर नवीन प्रकारचा बलून धरण बांधण्यात येणार आहे. यासाठी आमदार विनोद अग्रवाल यांनी सरकारला केली विनंती वरुन जलसंपदा विभागाकडून १०९ कोटी रुपये मंजूर झाले आहे.

अमेरिका आणि चीनच्या तंत्रज्ञानावर आधारित, गोंदिया तहसीलमधील रजेगाव बाघ नदीवर हा बलून बंधारा बांधला जाणार आहे ज्यामुळे रजेगाव-काटी उपसा सिंचन योजनेला नवीन जीवन मिळेल. भारतात, जळगावमधील गिरणा नदीवर प्रथम प्रायोगिक तत्वावर बलून बैराज बांधण्यात आले, त्यानंतर ते अनेक नद्यांवर बांधण्यात आले, परंतु विदर्भातील गोंदिया जिल्ह्यात ते पहिल्यांदाच बांधले जात आहे.

आमदार विनोद अग्रवाल म्हणाले की, अनेक वर्षापूर्वी रजेगाव-काटी उपसा सिंचन योजना करण्यात आली होती परंतु पाणी साठवणुकीअभावी ही योजना बंद अवस्थेत पडून आहे आणि आतापर्यंत ती सिंचनासाठी वापरता आलेली नाही. परंतु आम्ही वारंवार सरकारला रजेगाव बाघ नदीवर बंधारा बांधण्याची विनंती केली, ज्यासाठी सरकारने आम्हाला १०९ कोटी रुपये खर्चाचा बलून धरण दिले आहे.

आमदार विनोद अग्रवाल पुढे म्हणाले, हे बलून बॅरेज अमेरिका आणि चीनच्या तंत्रज्ञानावर आधारित आहे. हे धरण हवेच्या दाबाने स्वयंचलितपणे चालेल आणि ते बलून सेन्सर तंत्रज्ञानाने काम करेल. ते बुलेटप्रूफ असेल आणि तळाशी असलेल्या पातळीपर्यंत ३ मीटर पाणी साठवेल.

ते पुढे म्हणाले, २५ ते ४० फूट वाळू उरल्यानंतर, त्याखाली सिमेंट काँक्रीट टाकले जाईल ज्यावर ते उभे राहील. बलून धरणातील पाणी साचल्याने सुमारे १० हजार एकर सिंचन क्षेत्र सिंचनाखाली येणार आहे. हे काम लवकरच सुरू करण्याबाबत विदर्भ पाटबंधारे विभागाच्या अधिकाऱ्यांकडून योग्य मार्गदर्शक तत्त्वे जारी केली जातील.

आमदार विनोद अग्रवाल यांच्या प्रयत्नांमुळे, 395 कोटी रुपये खर्चाचा महत्त्वाकांक्षी डांगोर्ली बॅरेज मंजूर करण्यात आला हे उल्लेखनीय आहे. वैनगंगा नदीवरील ३९५ कोटी रुपयांच्या प्रकल्पाला नुकतीच मंजुरी देण्यात आली आहे, ज्याचे काम देखील सुरुवातीच्या टप्प्यात आहे. नदीतील पाणी थांबवल्याने ग्रामीण भाग आणि शहरांना २४ तास शुद्ध पिण्याचे पाणी मिळेल, तर सुमारे ५८६१ हेक्टर क्षेत्राला सिंचनाचा फायदा होईल. येत्या काळात, गोंदिया तहसील पाण्याच्या टंचाईपासून मुक्त होईल आणि शेते आणि कोठारे हिरवीगार होतील असे विश्वास आमदार विनोद अग्रवाल यांनी व्यक्त केले.

विधायक विनोद अग्रवाल ने मुख्यमंत्री मोहन यादव से की बिरसी एयरपोर्ट पर मुलाक़ात..

 

`डांगोरली बैराज और रजेगांव बाघ नदी पर बलून बैराज को लेकर सकारात्मक चर्चा..`

गोंदिया: मध्यप्रदेश के लांजी में एक कार्यक्रम में उपस्थित होने आए मध्यप्रदेश के मुख्यमंत्री श्री मोहन यादव जी से गोंदिया के बिरसी एयरपोर्ट में गोंदिया के विधायक विनोद अग्रवाल ने सप्रेम भेंट की और उनका स्वागत, वंदन अभिनंदन किया। इस दौरान उनके साथ मध्यप्रदेश के शिक्षा एंव परिवहन मंत्री उदयप्रताप सिंह जी भी थे उनका भी स्वागत करने का सौभाग्य प्राप्त हुआ।

इस भेंट के दौरान विधायक विनोद अग्रवाल ने गोंदिया विधानसभा क्षेत्र के मध्यप्रदेश सीमा से लगे वैनगंगा नदी पर बनने जा रहे डांगोरली बैराज और रजेगांव स्थित बाघ नदी पर बनने जा रहे बलून बैराज के संदर्भ में पत्र देकर विस्तारपूर्वक सकारात्मक चर्चा की। विधायक विनोद अग्रवाल ने कहा, मध्यप्रदेश से इस क्षेत्र का रोटी-बेटी का रिश्ता है। खेत-खलिहान लगे हुए है। इस बैराज के निर्माण से दोनों राज्यों के सीमा से सटे किसानों व नागरिकों को पीने के पानी और सिंचन की भरपूर सुविधाएं प्राप्त होगी।

मुख्यमंत्री श्री मोहन यादव ने इस महत्वाकांक्षी परियोजनाओं पर संज्ञान लेकर इस कार्य में मध्यप्रदेश सरकार की हरसंभव भूमिका सकारात्मक होने का विश्वास जताया और कार्य को जल्दगति देने आश्वस्त किया।

इस भेंट के दौरान कृषि उत्पन्न बाजार समिति के सभापति भाऊराव उके, भारतीय जनता पार्टी के शहर मंडल अध्यक्ष ऋषिकांत साहू, तहसीलदार शमशेर पठान, एयरपोर्ट प्राधिकरण अधिकारी श्री वर्मा उपस्थित रहे।

महाराष्ट्र दिनानिमित्त मलकापूर येथे महाराष्ट्र एक्सलन्स अवॉर्ड संपन्न, तामेश्वर पंधरे पत्रकारिता क्षेत्रात अवॉर्ड ने सन्मानित

 

महाराष्ट्र दिनानिमित्त मलकापूर येथे महाराष्ट्र एक्सलन्स अवॉर्ड   संपन्न . तामेश्वर पंधरे पत्रकारिता क्षेत्रात अवॉर्ड ने सन्मानित.

महाराष्ट्राचे कानाकोपऱ्यातील आलेल्या विविध क्षेत्रातील कर्तृत्ववान व्यक्तिमत्त्वांचा सत्कार करण्यात आला.

महाराष्ट्र ग्रामीण न्युज व हिंदी मराठी पत्रकार संघ महाराष्ट्र दिनाच्या निमित्ताने विविध क्षेत्रातील  कर्तृत्ववान व्यक्तींचा गौरव करण्याच्या उद्देशाने व त्यांच्या कलागुणांना प्रोत्साहन देण्यासाठी महाराष्ट्र एक्सएलन्स अवार्ड 2025 चे आयोजन करण्यात आले होते. सदर कार्यक्रमांमध्ये सहभागी होण्यासाठी प्रस्ताव ऑनलाइन मागवण्यात आले होते

त्यावेळी  356 प्रस्तावांपैकी निवड करून 60  मान्यवरांना महाराष्ट्र एक्सलन्स पुरस्कार 2025 प्रदान करण्यात आला. 

महाराष्ट्र एक्सलन्स अवार्ड कार्यक्रमाच्या अध्यक्षस्थानी निलेश तायडे सहा माहिती आयुक्त मंत्रालय मुंबई, होते तर प्रमुख पाहुणे भाई अशांत वानखेडे संस्थापक समतेचे निळे वादळ, धनश्रीताई काटीकर पाटील महाराष्ट्र प्रदेशाध्यक्ष हिंदी मराठी पत्रकार संघ,  प्रसाद भाऊ जाधव राष्ट्रवादी जिल्हा ऊपाध्यक्ष, बाळासाहेब दामोदर उद्योजक, बंडूभाऊ चवरे काँग्रेस नेते, फारुख शेख ज्येष्ठ पत्रकार लोकमत, दामोदर शर्मा शेतकरी नेते, वीरसिंहदादा राजपूत ज्येष्ठ पत्रकार होते.

कार्यक्रमाची सुरुवात आद्य पत्रकार बाळशास्त्री जांभेकर व प्रथम महिला संपादक तानुबाई बिरजे यांच्या प्रतिमा पूजनाने करण्यात आली. 

कार्यक्रमात पत्रकारिता, शिक्षण, सामाजिक ,राजकीय ,कला, वैद्यकीय, वकील, उद्योजक अशा अनेक क्षेत्रातील कर्तुत्वान व्यक्तींचा सत्कार महाराष्ट्र एक्सएलन्स अवार्ड 2025 देऊन करण्यात आला. 

या कार्यक्रमाप्रसंगी पहलगाम येथे आतंकवादी हल्ल्यात मृत पावलेल्या नागरिकांना श्रद्धांजली देण्यात आली. यावेळी देशासाठी आपल्या प्राणाची परवा न करता देशसेवा करणाऱ्या माजी सैनिकांचा स्मृतिचिन्ह देऊन सत्कार करण्यात आला. महिलांसाठी मानाचे असे समजले जाणारे गृहरक्षक दलामध्ये कार्यरत असणाऱ्या महिला होमगार्ड भगिनींचा सत्कार देखील या कार्यक्रमात करण्यात आला. 

      सदर कार्यक्रमाला पत्रकार अजय टप,सतीश दांडगे , नथुजी हिवराळे,संदीप सावजी, प्रकाश थाटे, राजेश इंगळे, विनायक तळेकर,समाधान सुरवाडे, स्वप्निल आकोटकर, धीरज वैष्णव, कैलास  काळे, अनिल गोठी, मयूर लड्डा,  निलेश चोपडे, प्रमोद हिवराळे , यासह आदी मान्यवर मोठ्या संख्येने उपस्थित होते.

कार्यक्रमाचे सूत्रसंचालन भारत सुरवाडे सर यांनी  तर आभार प्रदर्शन प्रदीप इंगळे यांनी केले.

किरण सूर्यवंशी कृषी, सुरेश उत्तपुरे शिक्षण, प्रशांत कर्ह कला, महादेव बावरे शिक्षण, रुपेश अवचार सामाजिक, निळकंठ पाटील सामाजिक, गजानन चेक सामाजिक, बालाजी कांबळे सामाजिक, पूर्णाजी खोडके सामाजिक, जनार्दन काळे सामाजिक, सुकनंदन हांडे सामाजिक, शिल्पा देशमुख राजकीय, सारंग माळेकर राजकीय, अनिल दाहेलकर पत्रकार, मोहम्मद फारुख अब्दुल गफार, तामेश्वर पंधरे पत्रकार, भीमकिरण दामोदर पत्रकार, गोपाळ कळस्कर पत्रकार, संजय भरडूक पत्रकार मिलिंद इंगळे पत्रकार, बाळू मुंगळे पत्रकार, ॲड मोहन शुक्ला विधी, शाहीर भीमराव अंभोरे कला, डॉ मनोहर शेगोकार वैद्यकीय, प्रेमदास वाकोडे वैद्यकीय, शारदा अंभोरे महिला व बालकल्याण,  पूजा रडके उद्योजक, राजेश घुगे ,ॲड भारती कुमावत बाल लैंगिकता लेखिका, डॉ. नयन महाजन विधी प्राचार्य, शरद तेलंग आरोग्य विभाग, गजानन नाकाडे उद्योजक विभाग यांना महाराष्ट्र एक्सलन्स पुरस्कार 2025 प्रदान करण्यात आला. 

 संघटन, समर्पण आणि सेवेची त्रिवेणी देशाला पुढे घेऊन जाणार – पंतप्रधान नरेंद्र मोदी

• माधव नेत्रालयाने जनतेच्या जीवनात प्रकाश आणण्याचे महत्तम कार्य केले
 
•माधव नेत्रालय मध्य भारतातील आरोग्य क्षेत्रात महत्वाची नेत्र संस्था ठरेल मुख्यमंत्री देवेंद्र फडणवीस
 
•माधव नेत्रालयाच्या प्रीमियम सेंटरचे भूमिपूजन
 
•केंद्रीय मंत्री नितीन गडकरी यांची उपस्थिती

नागपुर/ गोंदिया,दि.30 : संघटन, समर्पण आणि सेवेची त्रिवेणी भारत देशाला पुढे घेऊन जाण्यासाठी महत्वाचे सूत्र ठरणार असून विकसित भारताचा संकल्प पूर्ण करण्यासाठी समाजातील सर्व घटकांनी याचा अवलंब करावा, असे आवाहन पंतप्रधान नरेंद्र मोदी यांनी आज येथे केले. गोरगरिबांपर्यंत आरोग्य सेवा पोहोचविण्यासाठी केंद्र शासन कसोशीने कार्य करीत आहे. माधव नेत्रालयानेही या कार्यात योगदान देत गेल्या तीन दशकांपासून लोकांच्या जीवनात प्रकाश आणण्याचे मोलाचे कार्य केल्याचे गौरवोद्गार, त्यांनी काढले. 
               हिंगणा रोड वरील माधव नेत्रालयाच्या प्रीमियम सेंटरचे पंतप्रधान नरेंद्र मोदी यांच्या हस्ते डिजिटल पद्धतीने भूमिपूजन करण्यात आले. त्यावेळी ते बोलत होते. केंद्रीय रस्ते वाहतूक व महामार्ग मंत्री नितीन गडकरी, मुख्यमंत्री देवेंद्र फडणवीस, राष्ट्रीय स्वंयसेवक संघाचे सरसंघचालक डॉ. मोहन भागवत, स्वामी अवधेशानंद गिरी, स्वामी गोविंद देव गिरी, माधव नेत्रालय चॅरिटेबल ट्रस्टचे सरचिटणीस डॉ. अविनाशचंद्र अग्निहोत्री यावेळी उपस्थित होते.
               पंतप्रधान श्री. मोदी म्हणाले, पंतप्रधानपदाची सूत्रे हाती घेतल्यानंतर लाल किल्ल्यावरून देशाला संबोधित करताना आरोग्य  क्षेत्रातील सुधारणांमध्ये देशाला पुढे घेऊन जाण्याचा संकल्प जाहीर केला. गेल्या दशकात ग्रामीण भागात लाखो आयुष्मान भारत केंद्रे उभारण्यात आली. कोट्यवधी लोकांना आरोग्य सेवा पुरविण्यात आल्या. टेलिमेडिसिनद्वारे उपचार व आरोग्य सेवा सशक्त करण्यात आल्या. एम्ससारख्या संस्थांची संख्या तिपटीने वाढविण्यात आली. स्वातंत्र्यप्राप्तीनंतर प्रथमच देशात वैद्यकीय शिक्षण मातृभाषेत उपलब्ध करून दिले. वैद्यकीय अभ्यासक्रमाच्या जागा वाढविण्यात आल्या आहेत. योग आणि आयुर्वेदालाही जगात मानाचे स्थान मिळाले आहे. आरोग्य सेवेपासून कुणी वंचित राहू नये असे शासनाचे धोरण असून त्यानुसार सक्षमपणे कार्य सुरू आहे. 
            आरोग्य सेवांचे जाळे निर्माण करण्यात आले. आयुष्मान भारतसारख्या योजनांद्वारे गोरगरिबांपर्यंत आरोग्य सेवा पुरविण्यात येत आहेत. आरोग्य क्षेत्रातील सुधारणांचा हाच वसा माधव नेत्रालय पुढे घेऊन जात आहे.  द्वितीय सरसंघचालक माधवराव गोळवलकर गुरुजी यांच्या आदर्शावर मार्गक्रमण करत नेत्रालयाने अंध:कार दूर करीत लोकांच्या जीवनात प्रकाश आणला आहे. प्रीमियम सेंटरमुळे या नेत्रालयाच्या कार्याचा विस्तार होऊन त्यास गती मिळेल. तसेच देशातील आरोग्य क्षेत्राच्या प्रगतीतही या संस्थेचे भरीव योगदान राहील.
                 विदर्भातील थोर संत प्रज्ञाचक्षू गुलाबराव महाराज हे जन्मतः अंध होते. मात्र अंधत्वावर मात करीत त्यांनी ज्ञानाची दृष्टी विकसित केली. दृष्टी बोधातून येते व विवेकातून प्रगट होते याचा आदर्श वस्तुपाठच त्यांनी घालून दिला आहे. संत ज्ञानेश्वर, संत तुकाराम, संत नामदेव, संत एकनाथ अशा देशातील संतांनी भारताला एकसंध ठेवत उत्तम शिकवण दिली. माधव नेत्रालयानेही त्यांच्या विचारांची कास धरत कार्य केले आहे. समाजसेवेचे हे कार्य अव्याहत पुढे जावे, अशा भावनाही त्यांनी व्यक्त केल्या.